Dodong Isko | Pahimangno sa motorista

Kinsay nag-ingon nga dili pwede maghuna-huna

inig magdrive na kag motor? Pwede ra man gud.

Hinay-hinay lag kumot

kay basig mutabok nang bugoy nga nagpasalipod

sa van nga nagpark sa tunga.

Bantay-bantay sab sa danlug

nga panit sa irong way puangod sa mga dagkong ligid

nga hagkut pas aspalto sa udtong tutok.

Andama imong mata nga abtik mulabtik sa side mirror

inkasog naay amaw nga nagdali

ug kamatay. Ayaw lang sa pod

intawon kaibog nianang paas tamsi nga nagsinaw

sa singot human sa isa ka kilometro nga pagpaanod

sa naghaguros nga mga tutok ug balikas nga sa karsada ra matagamtam.

Sutaa nang kagwang nga angay nimong hiloan

apan ayaw hangad o piyong.

***

This appeared in Kabisdak in July 2021.