Georgia E. Mori | Sa Pantalan

Sa pantalan ako perming gahuwat nimo,

Sa pantalan dis-a ka nagsaad ayha ka mibiya.

Sa pantalan gilig-on ang pagtuo ug pasensya. Ingon ka, “Anak,

sa akoang pagbalik, dad-an tika ug pan.”

Ang pan usa ka gamay nga kalan-on—

hingpit ug di masukod.

Namugna sugod sa akong pagkabata hangtod ako nakakaplag ug pamuot

ang gugma nga dad-on ko sa kamatayon.

Balik na ining pantalan—ining pantalan dis-a imo kong gibiyaan.

Ania gihapon ko gahulat; hain ka na man? Asa ka miadto sa pila ka tuig nga minglabay?

'Ma, uli na; wala na ko naghandom sa pan nga akong gipapalit.

Gikaon na sa taya ang atop niining payag nga akong gisilungan

Apan ang akong pagsalig sama sa angkla nga ibusdak

gikan sa sakayan nga mag-uli nimo kanako.

Photo from https://www.zamboangadelsur.com/attractions

---

Georgia E. Mori is a twenty-two-year-old resident of San Agustin, Dumalinao. She has been writing on Facebook for about a year now with the pseudonyms Anchor Writes, Thea Stilton, Lily by the River, and Sinag-tala. She has a page named Anchor in my lungs and she also writes on Wattpad.