NJP Dos | Tsa

Nag-iyagak

sa nagbagang

abohan

ang inalisngaw

sa puthawng takuri

Ug kansang

kamot mihapuhap

sa init-init

nga kuptanan

aron

hinayon

pagbubo—

sa tasang

gitaksan og

dahong

laya.

Mihinunob ang gabukal nga tubig

sa naglutaw-lundag nga tinapok

ug ang dalag nga mituhop

mibukhad og alimyon sa hasmin

nga daw mihangop kanako

samtang nagpabati pud sa kainit

mihayaw nga anago sa'kong panit.

Tuod,

kanimo

gikamingaw

pag-ayo.

Ug nagpabiling

handumanan

kaning gihay

sa buwak

nga pila ka

tuig nimong

giamomahan,

pagkahumota!

Karon

ako nalang ni

nga ipalutang,

magtuhop

sa tsa ko

nga diria ka

magpabilin

Kanunay.

***

Tea

The kettle

in the scorching

ember, shrieks

steam

And whose fingers

tiptoe toward

the warm handle, then

ploddingly

pour—

In the cup

with a heap of

dry leaves.

The bubbling water permeates

the floating, sinking flakes

and yellow infusion

Perfumes a jasmine scent

that embraces me

while the spiraling haze

lingers warmth in my face.

Indeed,

I'm missing

you so.

And what remains

a memory

is this flower,

petals that

for years

you nurtured,

how redolent!

Now

afloat,

seeping in my tea

where you

shall remain

here

Everlasting.

---

Si Njp Dos natawo ug nagdako sa Dakbayan sa Pagadian. Siya ang pinakauna nga Zambosurian nga misalmot sa Iligan National Writers Workshop niadtong tuig 2020. Ug isip pagpadayon sa pangandoy nga mapalambo ang diyandi lokal, iyahang gisugdan ang 1st Pagadian Writers Workshop karong tuiga. Pipila sa iyahang mga gikalambigitan ang kasaysayan sa Zamboanga del Sur ug literatura sa mga Subanen.